Nazar ik chaman sey do chaar hay nah chaman chaman bhi nisaar hay

Ajab us key gul ki bahaar hay key bahaar bulbul-e-zaar hay

 Nah dil-e-bashar hi figaar hay key malak bhi us kaa shikaar hay

Yeh jahaan key hazdah hazaar hay jise dekho us ka hazaar hay

 Nahin sar key sajdah kunaa(n) nah ho nah zubaan key zamzamah khwaa(n) nah ho

Nah woh dil key us pey tapaa(n) nah ho nah wo seena jis ko qaraar hay

 Woh hay bheeni bheeni wahaan mehek key basaa hay arsh sey farsh tak

Woh hay pyaari pyaari wahaan chamak key wahaan ki shab bhi nahaar hay

 Koi aur phool kahaan khile nah jagah hay joshish-e-husn sey

Nah bahaar aur pey rukh kare key jhapak palak ki to khaar hay

 Yeh saman yeh sosan-o-yaa saman yeh banafshah sunbul-o-nastaran

Gul-o-sarw-o-laalah bharaa chaman wohi ek jalwah hazaar hay

 Yeh sabaa sanak woh kali chatak yeh zabaa(n) chehek lab-e-joo chhalak

Yeh mehek jhalak yeh chamak damak sab usi key dam ki bahaar hay

 Wohi jalwah sheher ba-sheher hay wohi asl-e-aalam-o-dahr hay

Wohi behr hay wohi lehr hay wohi paat hay wohi dhaar hay

 Woh nah thaa toh baagh mein kuch nah thaa woh nah ho to baagh ho sab fanaa

Woh hay jaan, jaan sey hay baqaa wohi bun hay ban sey hi baar hay

 Yeh adab key bulbul-e-be-nawaa kabhi khul key kar nah sake nawaa

Nah sabaa ko tez rawish rawaa nah chalakti nehron ki dhaar hay

 Ba-adab jhukaa lo sar-e-wilaa, key mein naam loon gul-o-baagh kaa

Gul-e-tar Muhammad-e-Mustafa chaman un kaa paak diyaar hay

 Wohi aankh un ka jo moonh take wohi lab key mehw hown na-at key

Wohi sar jo un key liye jhuke wohi dil jo un pey nisaar hay

 Yeh kisi ka husn hay jalwahgar key tapaa(n) hain khoobon key dil jigar

Nahin chaak jayb-e-gul-o-sahar key qamr bhi seenah fagaar hay

 Wohi nazr-e-sheh mein zare nekoo jo ho unke ishq mein zard roo

Gul-e-khuld us sey ho rang joo yeh khazaan woh tazah bahaar hay

 Jise teri saff-e-ni aal sey mile do niwaal-e-nawaal sey

Woh bana key us key ugaal sey bhari saltanat ka udhaar hay

 Woh utthein chamak key tajalliyaan key mita dein sab ki ta-alliyaan

Dil-o-jaan ko bakhshein tasalliyaan tera noor baarid-o-haar hay

 Rusul-o-Malak peh Durood ho wohi jaane un key shumaar ko

Magar eik aisa dikhaa to do jo shafee -e-roz shumaar hay

 Nah hijaab charkh-o-maseeh par nah kaleem-o-toor nihaa(n) magar

Jo gaya hay arsh sey bhi udhar wo arab kaa naaqah sawaar hay

 Woh teri tajjali-e-dil nasheen key jhalak rahey hain falak zamee(n)

Tere sadqe mere mah-e-mubee(n) meri raat kyoon abhi taar hay

 Meri zulmatein hain sitam magar tera mah nah mehr keh mehr gar

Agar ek cheent pare idhar shab-e-daaj abhi to nahaar hay

 Gunahe RAZA ka hisaab kyaa woh agar che laakhon sey hain siwaa

Magar aay afuw tere afw ka nah hisaab hay nah shumaar hay

 Tere Deen-e-paak ki woh ziyaa key chamak uthi rah-e-istaafa

Jo nah maane aap saqar gaya kahin noor hay kahin naar hay

 Koi jaan has key mehek rahi kisi dil mein us sey khatak rahi

Nahin us key jalwe mein yak rahi kahin phool hay kahin khaar hay

 Woh jise wahaabiya ney diya hay laqab shaheed-o-zabeeh ka

Woh shaheed laila-e-najd thaa woh zabeeh-e-taigh-e-khiyaar hay

 Yeh hay dee(n) ki taqwiyat us key ghar yeh hay mustaqeem siraat-e-shar

Jo shaqi key dil mein hay gaaw-khar toh zabaan pey choorhaa chamaar hay

 Woh Habeeb pyaara toh umr bhar kare faiz-o-jood hi sar basar

Arey tujh ko khaaye tap-e-saqar tere dil mein kis sey bukhaar hay

 Woh RAZA key neze ki maar hay key aduw key seene mein ghaar hay

Rise chaarah joyi ka waar hay key yeh waar waar sey paar hay