Rounaq-e-bazme jahaan hay aashiqan-e-sokhta

Keh rahi hay sham-a ki goyaa zabaan-e-sokhta

 Jisko qurse mehr samjha hay jahaa(n) ay mun-imo

Unke khwaan-e-jood sey hay ek naan-e-sokhta

 Maah-e-mann yeh nayyar-e-mehshar ki garmi ta-bakey

Aatish-e-isyaa(n) me khud jalti hay jaan-e-sokhta

 Barq-e-angusht-e-Nabi chamki thi uss par ek baar

Aaj tak hay seena-e-maah me nishaan-e-sokhta

 Mehr-e-aalam taab jhukta hay paye tasleem roz

Peshe zarraate mazaar-e-bedlaan-e-sokhta

 Koocha-e-gesu-e-jaanaan sey chale thandi naseem

Baal-o-par afshaan ho Yaa Rab bulbulaan-e-sokhta

 Bahre Haq aay bahre rehmat ik nigah-e-lutfbaar

Taa-ba-key be aab tadpe maahiyaane sokhta

 Ru-kashe khursheede mehshar ho tumhare faiz sey

Ik sharaare seena-e-shaidaiyaane sokhta

 Aatishe tar daamani ne dil kiye kya kya kabaab

Khizr ki jaan ho jila do maahiyaane sokhta

 Aatish-e-gulhaa-e-Taibah par jalaane key liye

Jaan key taalib hain pyaare bulbulaane sokhta

 Lutf-e-barqe jalwa-e-me raj laaya wajd me

Sho la-e-jaww aala saa(n) hay aasmaan-e-sokhta

 Aay RAZA mazmoon soz-e-dil ki rif at ne kiya

Is zameen-e-sokhta ko aasmaan-e-sokhta